க.பொ.த உயர்தர பரீட்சைகள் ஒத்தி வைப்பு!

செய்தி அறிவிப்பு

அசாதாரண காலநிலை காரணமாக G.C.E. உயர்தரப் பரீட்சை இரண்டு நாட்கள் பிற்போடப்பட்டது

இலங்கை பரீட்சைத் திணைக்களம் அறிவித்ததாவது, நாட்டில் நிலவும் அசாதாரண காலநிலைச் சூழ்நிலையைக் கருத்தில் கொண்டு, 2025ஆம் ஆண்டுக்கான க.பொ.த. (உயர் தர) பரீட்சையின் நவம்பர் 27 மற்றும் 28 ஆகிய தேதிகளில் நடத்தப்படவிருந்த பாடங்கள் ஒத்திவைக்கப்பட்டுள்ளன.

பரீட்சை ஆணையாளர் நாயகம் ஏ.கே.எஸ். இந்திகா குமாரி லியனகே வெளியிட்டுள்ள அறிவிப்பில், மேற்கண்ட இரு நாட்களுக்கான புதிய பரீட்சை தினங்கள் பின்னர் அறிவிக்கப்படும் எனத் தெரிவிக்கப்பட்டுள்ளது. மேலும், பரீட்சை இணைப்பு நிலையங்கள் மற்றும் பிராந்திய சேகரிப்பு நிலையங்களில் பாதுகாப்பாக வைக்கப்பட்டுள்ள வினாப்பத்திரங்கள் தொடர்பாக விசேட முன்னெச்சரிக்கை நடவடிக்கைகள் எடுக்கும்படி சம்பந்தப்பட்ட அனைத்து கல்விப் பணிப்பாளர்களுக்கும் அறிவுறுத்தப்பட்டுள்ளது.

இவ்வமைப்பில் அதிகாரிகள் வழங்கும் ஒத்துழைப்புக்கு பரீட்சைத் திணைக்களம் நன்றி தெரிவித்துள்ளது.